Miz Mattie
Miz Mattie does mek some big, big bread
Guh in soda to kill yah dead
Although she know de time so hard
She wont keep outah Kendal Yard.
Chorus
De time so hard, de crop so bad
De wite man working we to death.
We can even buy a pound a lard
An' she wun keep outah Kendal Yard.
Miz Mattie walk down to Bowmanston,
Salt bread and fish cakes breking she down
Although she know de time so hard
She wun keep outah Kendal Yard.
Miz Mattie walk from Pool to Guinea
Wid Johnny-bakes and cocoa-tea.
Although she know de time so hard
She wun keep outah Kendal Yard.
Miz Mattie walk out to Claybury
Wid dumplings, muffins and sweet mauby
Although she know de time so hard
She wun keep outah Kendal Yard.
Miz Mattie walk out to Colleton
Wid pudding bread and half cent buns
Although she know de time so hard
She wun keep outah Kendal Yard.
Miz Mattie come in de yard at Bath
Wid light sweet, heavy sweet six an a half
Although she know de time so hard
She wun keep outah Kendal Yard.
Wid fried pancakes and saltfish bakes
Although she know de time so hard
She wun keep outah Kendal Yard.